Առաջնորդներ

Մեկ բան, որ մենք հասկացել ենք որպես եկեղեցի մեր գոյության տարիների ընթացքում, այն է, որ ծառայությունը նախատեսված չէ միայնակ իրականացնելու համար:

Լինի դա մեր երեցների թիմը, կամ աշխատակազմի անդամները, կամ կամավորականների թիմերը, ՔԱՀԵ յուրաքանչյուր ծառայություն հենվում է թիմերի վրա: Սա ապահովում է եկեղեցու առաջխաղացումը՝ կայունությամբ, ուժեղ եւ թույլ կողմերի փոխլրացմամբ, հեռանկարային որոշումներով եւ պատշաճ հաշվետվողականությամբ:

Թեեւ մենք ունենք առաջնորդներ եւ թիմեր, որոնք կազմում են ՔԱՀԵ առաջնորդային թիմը, մենք հավատում ենք, որ Հիսուս Քրիստոսի յուրաքանչյուր հետեւորդ իր դերն ունի Աստծո Թագավորությունում։ Յուրաքանչյուր մարդ յուրովի է ստեղծված եւ զինված այն ծառայության համար, որն Աստված նախապատրաստել է նրա համար: Վաղ օրերից ի վեր մեր եկեղեցին հիմնականում ղեկավարվում է իմ եւ քո նման մարդկանց կողմից… մարդիկ, որոնք պարզապես ստանձնում են Հիսուսի սպասավորների իրենց դերը: